Fâ‘ilâtün Fâ‘ilâtün Fâ‘ilâtün Fâ‘ilün(1)
1. Baña bir tenhâca yir olsa firâvân aglasam
Eyle kim yaşum kurısa kalmasa kan aglasam
2. Biñ yıl olsa ‘ömrüm ü her ânı ‘ömr-i Nûhca
Hîç handân olmasam bir lah˙a her an aglasam
3. Olmaya bir katrece yanında deryâlar anuñ
Ol kadar yaşlar döküben zâr u giryân aglasam
4. Taşt-ı zer-kâr-ı felekden taşsa dökilse yaşum
Ben hevâ üzre misâl-i ebr-i bârân aglasam
5. Emriyâ teskîn iderdi olsa göñlüm âteşin
Bu kadar yaşlar döküp dahi firâvân ağlasam
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
