Harfü’l-gayn
90.
..-- / ..-- / ..-- / ..-
Baña bir câmı felek sunsa ider zehr ayâg
Eyleyince anı ber- kâlibe dilde ifrâg
Ne gam-ı dehr ne efkâr-ı elem-peymâyı
Görmedüm kûşe-i mey-hâne gibi câm-ı ferâg
Yakdı kandîl-i dili pîr-i mugân var olsun
Yine bir câm-ı şarâb ile uyandurdı çerâg
Gamze biñ zahm urıcak tende nigâhı baglar
Eyledi sînede yârüm yine dâg üstini bâg
Ruhların ‘âşıkına zülf ile mestûr eyle
Gör tutar pertev-i hurşîde o dil-ber pür-dâg
Nakd-i cân u dili pâyüñe nisâr eyler idüm
Baña ol mug-peçe bâzârını itse tek sâg
Hep eritdi nesi var ‘aşk ile mânend-i Sa‘îd
Kalmadı bu dil-i mihnet-zedede zerrece yâg
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
