277
- . - - / - . - - /- . - - /- . –
 
Bakmazam gül-ruhlara serv-i bülendüm var iken
Kime kul olam senün gibi efendüm var iken
Nice at salmayayın gam leşkerine sâkiyâ
Devletünde mey gibi gülgûn semendüm var iken
Hep gözi âhûları ey dil şikâr itsem gerek
Dûd-ı pîç-â-pîç-i âhumdan kemendüm var iken
Sâkiyâ şol kan olacağı getür nûş idelüm
Çeşmün ü la’lün gibi bâdâm ü kandum var iken
Yanuma alsam Revânî nola her sîmîn-beri
Onmaduk âvâre dil gibi levendüm var iken
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8