Fe‘ilâtün Fe‘ilâtün Fe‘ilâtün Fe‘ilün
1 Bakma ol gülşene kim dest-i sabâ gülçîndür
Sîlî-i bâd ile ruhsâr-ı güli rengîndür
2 Dîde-i âyîneden hüsnine tahsîn ister 2a
Nâzenînüm o kadar ‘işveger ü hodbîndür 2b
3 Telh-kâm-ı ebed itse n’ola Ferhâd gamı
Duhter-i rez dahı öz başına bir Şîrîndür
4 Oldı ber-hemzede cem‘iyyet-i yârân-ı safâ
Felek-i tâli‘imüz hayf ki bî-Pervîndür
5 İtdi bir ‘asrda Âgâh temennâ-yı neşât
Ki dil-i merdüm-i dîvâne bile gamgîndür
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
