Bâğda gül ruhlerüñdür verd-i hamrâdan murâd
Kâmetüñdür râstı serv-i dil-ârâdan murâd
2. ‘Işk derdidür cihânda ‘âşıka maksûd olan
Vasl-ı dilberdür hemîn bu dâr-ı dünyâdan murâd
3. Dûd-ı âhumdur felekde ebr-i bârândan garaz
Eşk-i çeşmümdür eşigüñde Süreyyâdan murâd
4. Çün ecel sulh itdürür âhir nizâ‘ı kaldurur
Pes nedür dünyâ içün bu kurı gavgâdan murâd
5. Beyti bozarsuñ rakîbi anma şi‘rüñde sakın
‘Avnî dilber vasfıdur çün şi‘r ü inşâdan murâd
Avni Fatih Sultan Mehmet Hayatı Şairliği
Yorumlar
Henüz yorum yok
Bâğda gül ruhlerüñdür verd-i hamrâdan murâd
0
