[76]
Fe`ilâtün Fe`ilâtün Fe`ilâtün Fe`ilün
 
1 Bâgda dîdeme sanmañ gül-i hod-rû görinür
 Kanda baksam o gül-i `ârız-ı hoş-bû görinür
2 Gonçeyi görsem olur lutf-ı dehânı zâhir
Sünbüli alsam ele zülf-i semen-bû görinür
3 Çeşm-i mestin görürin nergis-i şehlâ görsem
 Nigeh itsem semene pehlû-yı bî-mû görinür
4 Cûya bakdukça gelür hâtıra hercâylıgı
Eylesem serve nazar kâmet-i dil-cû görinür
5 Nekhet-i kâkül irür yine meşâm-ı câna
Zâhiren gerçi ki gül-deste-i şebbû görinür
6 Kûy-ı dilber sanurın rûy-ı sipihre baksam
 Göricek mâh-ı nevi kûşe-i ebrû görinür
7 Hâtıra nakş ideli hüsn-i hayâlin Nâmî
Her tarafdan baña ol gözleri âhû görinür
 
 
Yard. Doç. Dr. Ahmet YENİKALE  AHMET NÂMÎ  DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ