610
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Bâg-ı ‘Adn içre ruhuñ gül kâmetüñ Tûbâ gibi
Kûyuñ ey hûrî-cinânum cennetü’l-me’vâ gibi
Zâhidâ hûrîlerin medh itme Firdevs’üñ baña
Cennet-i hüsn içre olmaz ol melek-sîmâ gibi
Genc-i vasl-ı yâre gel ey dil harîs olma sakın
‘Âkıbet mahrûm olursın tâlib-i dünyâ gibi
Halk-ı ‘âlem ser-be-ser hep ser-fürû‘ eyler saña
Var ise sermâyeñ elde ey dil istignâ gibi
339
Âsmân-ı kadre irse başum ey Ravzî n’ola
Göñlüm alçakdur benüm mihr-i cihân-ârâ gibi
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
