Bade-i bed-fili şart ol kim müsülmân içmeye (560/1)
Tume-i kâferdür anı ehl-i îmân içmeye
Anı kim ümmü’l-habâyisdür içe mi pâk olan (560/2)
Kimde kim vardur taharet bevl-i şeytân içmeye
Rahmet-i Rahmândan anı iş iden mahrûm olur (560/3)
Pes anı her kim dilerse lutf-ı Rahmân içmeye
Âkılı mecnûn kılur u âlimi câhil ider (560/4)
Pes anı ol kişi kim olmaya nâ-dân içmeye
Afet-i cân u belâ-yı ten-durur bî-şek anı (560/5)
Kimde kim var mihr-i ten yâ-hûœ gam-ı cân içmeye
Sırfın añma Hızr bigi varlıgını_iden taleb (560/6)
Ger iderlerse_aña memzûc hayvân içmeye
Mâye-i tugyân-durur ol hayz kanı pes anı (560/7)
Ahmedî çünkim degüldür ehl-i tugyân içmeye
Bir dem olam diyen kişi sen yüzi ay-ıla (561/1)
N’ola ger belâñı çek yıl u ay-ıla
Ol akl kim anı gözüñüñ işvesi_esrüde (561/2)
Ger ayılur olursa kıyâmetden ayıla
Gamzeñ kanumı içer-iken dîne kasd ider (561/3)
Kişi eyit ki n’ide bu ayn-ı belâ-y-ıla
Cânumı kahr-ıla çeküp almah ne ihtiyâc (561/4)
Ben hoœ yoluñda komışam anı rızâ-y-ıla
Işkuñ harîfi degülem illâ ki bu kader (561/5)
Vardur ki hîç kimse çahışmaz kaza-y-ıla
Ömrüm mükedder eyleme bir sâfi sun baña (561/6) c
Ömr ol-durur ki süreler anı safâ-y-ıla
Dirler ki Ahmedî bula yârı vay anı kim (561/7) c
Ömrin kamu yile vire ney bigi vâ-y-ıla
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
