Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Âteş-i dûzahda yanmak emr iderseñ ger baña
Bî-edeblikdür ümîd-i çeşme-i Kevser baña
Çekmeye çâh-ı cünûndan taşra ben üftâdeyi
Her taraf olsa selâsil tendeki mûlar baña
Leblerüñsüz fürkatüñ Mısrında ey Yûsuf-cemâl
Zehr-i kâtilden beterdür şerbet-i şekker baña
İllerüñ ‘aybın çekerdüm tevbekâr olmış diyü
Şimdi kendüm tevbe eylersem ne dir iller baña
Künc-i ‘uzletde Behiştî bulmışam genc-i ferâg
Neyleye ‘özr eyleyüp gerdûn-ı dûn-perver bana
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/
