Mef‘ûlü Mefâ‘îlü Mefâ‘îlü Fe‘ûlün
1 Âşüfteligüm zülf-i perîşânı begenmez
Ser-geşteligüm girdiş-i devrânı beğenmez
2 Olsa leb-i hˇâhiş ne kadar bûseye müştâk
Her günc-i leb ü gûşe-i dâmânı beğenmez
3 Hîç yeryüzinün zîbi tevâzu‘ gibi olmaz
Bu kâmet-i ham ebrû-yı hûbânı begenmez
4 Yârun siteminden heves-i la‘li mi kaldı
Cândan usânan çeşme-i hayvânı beğenmez
5 Bu bagçenün gülleri hep deste işidür
Bülbülde şu‘ûr olsa gülistânı beğenmez
6 Vasf-ı kad-ı mevzûnını Âgâh idemezsin
Ol mısra‘-ı rengîn nice dîvânı beğenmez
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
