Mef`ûlü fâ`ilâtü mefâ`îlü fâ`ilün
1 `Aşkun safâsı degme cefâyı tuyurmadı
Germiyyet-i şarâb şitâyı tuyurmadı
2 Mecnûna fikr-i sûzen-i müjgân-ı dil-rübâ
Azâr-ı hâr-ı deşt-i belâyı tuyurmadı
3 Hîç yok degüldi bezm-i cihânun da `âlemi
Nâ-dân mükedder itdi safâyı tuyurmadı
4 Dâ`vâ-yı zühdi gösterelüm biz de vâ`ize
Nâ-dân sanur ki zerk u riyâyı tuyurmadı
5 Müjgânı tîr ile dile bildürdi kıssayı
Sanman ki ana sırr-ı kazâyı tuyurmadı
6 Teşrîf itdi hâne-i Yahyâ'yı gerçi yâr
Zevk-i visâli bîm-i cüdâyı tuyurmadı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
