120
fe‘ilâtün fe‘ilâtün fe‘ilâtün fe‘ilâtün
1 ‘Aşka şâyân olamaz kalb hazîn olmayıcak
Hasta ârâm idemez âh u enîn olmayıcak
2 Mâh-ı Ken‘ân’a bahâ sanma olur rişte-i cân
Vaslına itme heves genc-i defîn olmayıcak
3 Hatt-ı ruhsârı belürdi oluruz sîr-çeşim
Mihre yok tâb-ı nazar şâm yakın olmayıcak
4 Ne sürâhi ne sebû virmediler sadra şifâ
Bezmümüzde o perî sadr-nişîn olmayıcak
5 Va‘de-i vasla hat-ı la‘li inandurdı bizi
İ‘timâd eylemedük hatt-ı nigîn olmayıcak
6 Mevc-i deryâ iledür ‘anber-i sârâya vusûl
Turradan bû mı gelür çîn-i cebîn olmayıcak
7 Kâmiyâ eylemesün kilk-i hünerver zâyi‘
Tohm-ı endîşemüzi tâze zemîn olmayıcak
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
