306
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Âsitânuñdan ki şâhâ katlüme fermân gelür
Gûyiyâ ben haste hâlüñ derdine dermân gelür
Ka‘be-i kûyuñ tarîkınuñ mugaylânı baña
Ey halîl-i nûr-ı behcet sünbül ü reyhân gelür
Söyleşürken yâr ile nâ-geh çıkagelse rakîb
Gûyiyâ îmânum almak kasdına şeytân gelür
Gelme seyr-i kûyuma didükce cânâ vardugum
Ma‘ni yüzinde itâ‘at sûretâ ‘isyân gelür
Eksik olmaz dilden ey Ravzî gürûh-ı derd ü gam
Tekye-i ‘uşşâka her gün niçe biñ mihmân gelür
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
