Fe‘ilâtün Fe‘ilâtün Fe‘ilâtün Fe‘ilün
1 ‘Âşıkam girye benüm tab‘-ı ferahyâb senün
Dil-i pür-dâg benüm lâle-i sîr-âb senün
2 Ey dil ey dil görelüm kankısı def‘-i gam ider
La‘l-i dildâr benüm câm-ı mey-i nâb senün
3 Dönmeseydi felege dirdüm idüp kat‘-ı nizâ‘
Ol kamer çehre benüm mihr-i cihân-tâb senün 3b
4 Zâhidâ ben dimeyem sen de riyâsuz söyle
Delk-i sad-pâre benüm kâkum ü sincâb senün 4b
5 Hâkdan ref‘ idüp Âgâh didi yâr bana
Leb-i pür-hande benüm dîde-i pür-âb senün
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
