Fâ‘ilâtün Fâ‘ilâtün Fâ‘ilâtün Fâ‘ilün(1)
1. ‘Âşık olmış çarh saña sanma hurşîd u kamer
İki taş almış eline sînesin durmaz döger
2. Gözlerüñüñ hasta oldugına ‘illet bu imiş
Ruhlaruñ ‘aksini mir’ât içre görmişler meger
3. Eşk-i gül-gûn kaldı hayf ayakda ey hurşîd-fer
Râh-ı gamda sürmek itsem gitmeden bir dem düşer
4. Gülsitân-ı dehr içinde serv-kadler çok velî
Her zamân göñlümden ey kaşı kemân tîrüñ geçer
5. Bunca sîm-i eşk ile fahr eylesem Emrî n’ola
Çarhı gör kim bir iki dînâr ile gögsin gerer
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
