Fâ‘ilâtün Fâ‘ilâtün Fâ‘ilâtün Fâ‘ilün(1)
1. ‘Ârız-ı zîbâ ile mihr-i dırahşânsın ne bahs
Kâmet-i bâlâ ile serv-i hırâmânsın ne bahs
2. Ey hayâl-i zülf-i dilber kim bu çeşm-i terde sen
Kâse-i pür-âba konmış ‘ıkd-ı reyhânsın ne bahs
3. Karañulukdur kara zülfüñ ötesin bilürüz
La‘l-i cân-bahş ile lîkin âb-ı hayvânsın ne bahs
4. Ey ‘izâr-ı dil-rübâdan dûr olan zülf-i siyâh
Gülsitân-ı huldden merdûd sü‘bânsın ne bahs
5. Dürr-i dendân-ı nigârı vasf idersin şi‘rde
Tarz-ı eş‘âr içre Emrî gevher-efşânsın ne bahs
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
