Mef’ûlü mefâîlün mef’ûlü mefâîlün
Andım yine ol bezmi mestânelik el verdi
Yağmâya verip aklı dîvânelik el verdi
Çün zînet-i zâhirle olmadı gönül ma’mûr
Pes tâlib-i genc oldum vîrânelik el verdi
Çeşmimden akan yaşa sordum ki nedir hâlin
Der deryâ-yı aşk içre dürdânelik el verdi
Olmasa gönül kâni’ vardıkça olur tâmi’
Şem’-i ruh-ı yâr ister pervânelik el verdi
Beydak-ı hevâ başın kesmek dilerim bir bir
Bu nat’-i cihân içre ferzânelik el verdi
Aynım kadehi dolmuş sordum ki neden pürsün
Der kâse dil-ârâdan peymânelik el verdi
Sa’y eyle dürüş Şemsî Hakk ile enîs olgıl
Şimdengirü halk ile bîgânelik el verdi
140Şemseddin Sîvâsî Divanı Recep Toparlı
