Fâ`ilâtün fâ`ilâtün fâ`ilâtün fâ`ilün
 
 1 Aldı gönlüm yâr evvel sonra vîrân eyledi
 Ah kim dil mülküni alan tâlân eyledi
 2 Bâg-ı hüsne kâmetün serv-i ser-efrâz eyleyen
 Ben hakîri sâyeveş hâk ile yeksân eyledi
 3 Katre-i nâ-çîzden kemter tutanlar kendüyi
 Katreyi deryâ idüp deryâyı `ummân eyledi
 4 `Aşk bârını götürmezken zemîn ü âsumân
 Avn-i hakk bir nâ-tüvâna anı âsân eyledi
 
 5 Aşkdan kurtulmadan Yahyâ ölüm yegdür bana
 Kangı `âşıkdur ki derd-i aşka dermân eyledi
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147