Mef‘ûlü Fâ‘ilâtü Mefâ‘îlü Fâ‘ilün
1 Aldanma dehr alur seni ammâ alur satar
Sad-Yûsufı bu köhne Züleyhâ alur satar
2 Kâlâ-yı câna râgıb o hûnı o denlü kim
Gûyâ metâ‘-ı atlas u dîbâ alur satar
3 Virdüm o şûha tıfl-ı dili lîk bilmezem
Âzâd ider terahhum idüp yâ alur satar
4 Bir derd var gönüldeki câvîd-i ‘ömr ile
Olsa mezâd Hızra Mesîhâ alur satar
5 Hayfâ ki pîr-i meykede Âgâh ma‘tuh ola
Nûş itmeyüp ne ‘akl ile sahbâ alur satar
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
