Fâ‘ilâtün Fâ‘ilâtün Fâ‘ilâtün Fâ‘ilün(1)
1. Âl bir tûtî-durur gûyâ zebânuñ ey püser
Kim virür güftâr-ı şîrînüñ aña her dem şeker
2. Şöyle gâyib oldı agzuñ kim nişânuñ bulmadı
Safhasında çihremüñ çok nokta dökdi çeşm-i ter
3. N'ola dehri görmese hâlüñ hayâlinsüz gözüm
Gözde nokta olmasa kör olur ey nûr-ı basar
4. Şevk-i dîdâruñla cennet içre itsem odlu âh
hûr idine dûdını kâkül şerârın hâl-i zer
5. Mâh-ı nev sanma düşürmiş peyk-i âhum Emriyâ
Geşt iderken deşt-i eflâk içre bir zerrîn teber
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
