585
Mef‘ûlü/ Fâ‘ilâtün/ Mef‘ûlü/ Fâ‘ilâtün
Âhum odıyla yandı şems-i kamer çerâgı
Tañ mı yanarsa dâ'im söyünmez er çerâgı
‘Işk âteşiyle ‘âlem yanar harâb olurdı
Hüsn ehlinüñ dem-â-dem yansa eger çerâgı
Şevk âteşiyle pür-nûr eyler cihânı ey dil
Mihr ile meh meger kim senden yakar çerâgı
Mey-hâne kûşesinde mestâneler çogaldı
Himmet erenlerinüñ dâ'im yanar çerâgı
Mihr ile mâhı Ravzî âh-ı dil ile yakmış
Söyünmesün cihânda şâm u seher çerâgı
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
