Mef`ûlü fâ`ilâtü mefâ`îlü fâ`ilün
1 Ahir gülün gurûrı helâk ide bülbüli
Pervâneyi oda yaka şem`ün tegafüli
2 Zülfi yanında kim dü cihân kıymeti degül
Ey bâgbân inende ögüp satma sünbüli
3 Mecnûn ne çekdügin ne bilürem cihânda ben
Yârün başımda olmasa sevdâ-yı kâküli
4 Ey hâr sen de kurtılacagun bilür misin
Pür-âteş itme bülbül-i bî-çâreye güli
5 Eshâb-ı derde dâg-ı dil ü eşk-i çeşmi bes
Erbâb-ı `ayş u `işrete Yahyâ gül ü müli
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
