fāʿilātün fāʿilātün fāʿilātün fāʿilün
 
Āh kim düşdüm diyār·ı ġurbete tenhā ġarīb
Bī-dil ü bī-cān olub şūrīde vü şeydā ġarīb
 
Geh Mıṣır iḳlīmlerin seyr itdürür geh Rūm ilin
Geh ʿacem mülkin temāşā ḳıldurur sevdā ġarīb
 
Baġrı başlu gözi yaşlu yılduzı alçaḳ olur
Her kişi düşman olur ger eylese ġavġā ġarīb
 
Dürlü nüktesin çekerem ben raḳībüñ dōstum
Mūrdan olur zebūn olursa ejderhā ġarīb
 
Ḥasretüñle bu Necātī ölür ise diyesüz
Ā ġarīb ü vā ġarīb ü hā ġarīb eyvā ġarīb
 
 
 Ali Nihad Tarlan i, Necāti Beg Divanı, Istanbul: Milli Eğitim Basımevi, 1963);