Âh-ı âhestem ki eyler mâh-ı tâbân ile bahs
Ol sabâdur kim ider şem‘-i şebistân ile bahs
 
Ey perî-sîret rakîb-i dîvi kılduñ çün esîr
Hatt-ı la‘lüñ eylesün mühr-i Süleymân ile bahs
 
Hat çeküp hüsnüñ kitâbına halel virmezse dûd
Hîç unutma eyle yarın hûr u gılmân ile bahs
                                                           
İtmezem Mecnûn’a ben esrâr-ı ‘ışkuñdan kelâm
‘Âkıl u hûşyâr olan eyler mi hayrân ile bahs
 
Şâ‘ir olmadın Behiştî ‘âlem-i ervâhda
Nice yıllar eylemişdür rûh-ı Selmân ile bahs
 
 
Dr. Yaşar AYDEMİR, BEHİŞTÎ DÎVÂNI, https://ekitap.kulturturizm.gov.tr/