Fâ`ilâtün fâ`ilâtün fâ`ilâtün fâ`ilün
1 Agladur erbâb-ı `aşkı ârzû-yı kâküli
Alemi bârân ider gâhi hevâ-yı sünbüli
2 Bülbül-i şeydâ `aceb mi mest-i bî-pervâ ise
Gülsitânun bir tolu peymânedür her bir güli
3 Cân kulagın tut hele sâkî alup câmı ele
Kıssa-i pür-hisse-i Cemdür surâhî kulkuli
4 Serv-i bâgun korkarın başında bir gavgâ kopar
Gülşen içre neydi mürgânun sehergeh gulguli
5 Nâr-ı mihnet yaksa da kalmaz hazîz-i hâkda
Bâd-ı himmetle çıkar eflâke Yahyâ'nun küli
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
