Âferînişde saña çün ki bulınmadı şebîh (555/1)
Yir-ile gökde saña kimi kılayım teşbîh
Âb-ı hayvân dir-isem dudaguña yüzüñe şems (555/2)
Bilmezem anı vech-ile idem ben tevcih
Gül ki lal ü zer ü pîrûzedür ü lü’lü-yi ter (555/3)
Bu kamu vech-ile yüzüñ bigi olmadı vecîh
Bâœe nûş eyle hakîm ögüdine gûş olup (555/4)
Ko fakîhüñ sözüni eyleme aduñı sefîh
Feyz-i rahmetdür ü âsâr-ı kerem kavl-i tabîb (555/5)
Habes-ile hades ü hayz-ıla dem bahs-i fakîh
Sûfi zerk-ile diler ki_ola Haka muhlis-i hâs (555/6)
Zer-i hâlis nicesi ide nühâsı temvîh
Ahmedînüñ sözine ne söz ola şibh ü misâl (555/7)
Ola mı hiç şebeh dürr-ile yâkûta şebîh
