Mefâ‘îlün Mefâ‘îlün Mefâ‘îlün Mefâ‘îlün
 
1.1b Açıl semt-i gülistâna yine ey gülşen-i hûbı
Salın biñ nâz ile nâ-çâr tûbâ lek disün tûbı
2. Görüp misket tolu peymânede ‘aks-i zenahdânuñ
Baña añdurdı emrûdî kadehler sîb-i Sînïbı
3.3a3b O kaymak gibi ten hokka agızla şîr-i reng-endâm
Dil-i bî-sûda ihtâr itdi geşt-i deşt-i Eyyûbı
4. Kadehle çehremüñ seyr eyle reng-i za‘ferânîsin
Göñül yâd itmesün mi âl-i reng-â-reng-i mahbûbı
5.5b Kadeh der-kef nigeh mestâne sîne münkeşif tâ nâf
Bu Kânî sevmesün n’itsün o fettân-ı dil-âşûbı
 
Dr. İlyas YAZAR , K Â N Î D Î V Â N I, Ankara 2012