fāʿilātün fāʿilātün fāʿilātün fāʿilün
ʿĀşıḳ olmışdur güneş ey dil-ber·i raʿnā saña
Ṭolanur dünyāyı hergiz bulımaz hem-tā saña
Gördi sāḳīlik idersin meclis içre ey perī
Aġzın açdı ḳaldı ḥayrān sāġar·ı ṣahbā saña
Ḫōşdürür gül yüzlülerle baña gülşen güşesi
Zāhidā ḥūrīler ile cennet·i Meˀvā saña
Altun üsküfle varub her meclise aġalanur
Gör ne yüzden öykünürmiş şemʿ·i bezm-ārā saña
Aġladuġuñı görüb başın döger ṭaşdan ṭaşa
Acıduġından Necātī bu yedi deryā saña
